Iyan si Myred

Buod: upang makumpleto ang mga “something..something”/Exchange gift sa aming monito monita ngayong taon..isang pag-aalay ng tula aking ginawa. “Iyan si Myred” ang aking naisip na pamagat..isa itong tula na mag lalarawan kung sino itong ang aking monita na si myred.

Sa katikasan sya’y bida
matapang tiyak ikaw di uubra
kaya binata magiingat ka
tiyak sapak sayo’y babalandra

Iyan si Myred MATAPANG AT MAY PANININDIGAN

Kung sakit ng iba ay HIV
itong si myred natin ay SED ( Selective eating disorder)
kaya itreat na mo na ng itreat
tiyak wallet mo’y di magigipit

Iyan si Myred…PICKY EATER

Ang Matay kaakit akit
Tiyak ang mga puso’y malulupig
sa contact lens pag tumitig
hahanga ang mga makikisig

Look o..BEAUTIFUL EYES..iyan si Myred

pag Picturan naman at posing
nangunguna din ang Myred Natin
Mata’y pakiliking kiling
Pati ikaw ay tiyak maduduling

Naks TOP MODEL..Iyan si MyRed

Kung sekreto mo’y iiwan
tiyak kanyang aalagaan
walang ibubulalas sa kwentuhan
Tiyak ika’y ligtas sa huntahan

iyan si MyRed… MAPAGKAKATIWALAAN

Regalong Handog para sa Batang Isarog

Ramdam nyo na ba ang Pasko? Kami dito sa Pangkama ramdam na ramdam na. Kung bakit kailangang ipagdiwang ang Pasko gayong ramdam din natin ang paghihirap at patuloy na pagdaan ng araw ay isang pagtatalo malamang sa marami sa atin… Ngunit sa aming grupo’t barkadahan, walang pinipiling panahon ang pasko’t pagbibigay ng sarili. Para kanino ba ang Pasko? Ito’y para sa ating lahat… sa mga paslit pa at sa mga nalalabi pang musmos sa ating pagkatao kahit nalipasan na ang iba sa atin ng panahon.

Sa ika-2 ng Disyembre… ito’y para sa makakaniig naming mga Batang Bicolano…handa na kami para sa inyo ngayong Pasko. Parating na Kami! =)

Kaalinsabay ng pagpasok ng malamig na simoy ng hangin ngayong pasko, kami naman sa Pangkama ay nagtulong tulong at nakgkaisang maghanda para maghatid ng payak ngunit naglalayong masayang pagsalubong ng Pasko para sa mga bata sa paanan ng bundok ng Isarog. Siyanga ang Pasko sa aming grupo ngayon pasko ay sa piling ng mga batang Bicolano.

Nagkakaisa kami sa aming nakaapak na pananaw na hindi kailangang limpak limpak at nag-uumapaw na ang yaman mot salapi para makapagbahagi ka ng sarili mo at ng biyaya na natamo mula sa iyong pagsisikap at pagpupunyagi. Kung kayat noong nagbabalot kami ng mga ihahatid doon sa kabikulan ramdam na namin ang saya lalo na’t sinasabayan ito nang mga tawanan, may mga komerysal na Boy Pick-up pa…. Handa na… Tapos na naming balutin ang mga laruan,mga aklat, mga kaunting pagkain, mga tsinelas at kung ano ano pa. Sir Ron, Sir Yog, nabilang nyo bang lahat ng mga laruan at baka may nakabulsa riyan… nananawagan po kami kay Sir Alemar Kuya Macoy pakibilang nga ulit at baka nabawasan si barbie. =)  Pasa dito pasa doon, saklob dito, balot doon,sama-sama sa halakhakan… ito ang hindi pa man pasko’y regalo na namin sa aming mga sarili na di kayang tapatan ng yaman. Sana araw-araw ganito ikanga ni Alemar Boton.

Kalakip ng aming layon ang panalangin ngayong Pasko na sana sa mga aklat, panulat, pangkulay, notebook at papel ay pag-asang magbunga ng mabuting kapalaran sa mga batang mabibiyayaan.

Sa mga walang sawang nagbibigay ng kanilang tulong at nagtiwala na kahit walang press release at media sa telebisyon, radyo at dyaryo… Muli at paulit-ulit ang aming mga pasasalamat sa inyo sa ngalan ng mga batang mapapangiti at mapapasaya nyo.

Siguradong Solb na kami! At ilang tulog nalang at tuloy na ang larga.

Resiklo Ngayong Pasko

Hindi pa din mawala sa isip ko ang halaga ng Resiklo, tandang tanda ko pa noong nakakita ako sa Aurora ng kulungan ng mga panabong na manok na gawa sa mga lumang gulong ng saksakyan. Malinaw na malinaw sa akin na hindi kailangan nagiging habang buhay na tambak o magiging basura ang mga bagay bagay kung pagaganahin lang natin ang ating mga kokote sa pag tatrasform ng mga ito sa bagong kapakipakinabang na mga bagay.

RESIKLO NGAYONG PASKO
Ang sarap pa ding isipin na ang aming parol ngayong pasko ay gawa sa lata ng beer [1] at ang aming krismastri ay gawa sa basyong bote ng beer[2]. Salamat sa Redhorse at sa San Miguel Light…Este, sa  pamumuno ni Edwin Perez (a.k.a Resiklo King) para sa mga gawaing ito. Salamat din sa mga malilikot na utak at pagtutulungan ng mga #8liens

May bonus pa ngang Penguin [3] na gawa lang sa plastic na litro ng softdrink at lamparang gawa sa mga lumang CD at bote ng Redhorse [4]. +1

Matagal na naming usapan dito sa opisina na hanggat maari sa tuwing darating ang mga ganitong okasyon iba pa din yung dating pag nakakagawa ka ng mga dekorasyon na niresiklo. Naalala ko tuloy yung isang taon na si Bitoy naman ang bumanat ng krismastri na gawa sa mga lumang or mga sirang CD na nakatambak lang sa tabi tabi ng opisina namin.

Sa tulong ng mga malikhaing kamay at isip lalabas ang mga magagagandang ideya. Ika nga,Pagtutulungan lang mga tsong at tiyak na kaya naman talagang maging makulay ang pasok ng hindi kailangan magarbo o magastos.

Resiklo lang sa Pasko. Ikaw anong Resiklo mo?

Maligayang at Maboteng Pasko sa Inyong Lahat!

Mag Reggae Tayo

pwede ka bang ayain?
bukas sana’y papalarin
makasama ka at makapiling
kahit saglit lang “dear”

hindi lang beer
hindi lang gin
pag nakikita kat nakakafeeling
tiyak akoy nalalasing

mag reggae tayo
samahan mo ako sa kanto
sa reggae tayo’y umindayo
hawak kamay ikaw at ako

kumandirit ng sabay
sa alapaap ang tambay
sa style na ritmo’y bay
akoy nasa tabi mo lang day

Sana’y pumayag na
Ang nililiyag ko’t sinisinta
Nais kitang maisayaw..tarana
Mag reggae tayo.ngayon na

Hindi napapakali
Di makatulog lagi
naaalala ang iyong  ngiti
at ganda ng iyong labi

mag reggae tayo
samahan mo ako sa kanto
sa reggae tayo’y umindayo
maghawak kamay ikaw at ako

mag reggae tayo
samahan mo ako sa kanto
sa reggae tayo’y umindayo
hawak kamay ikaw at ako

R.I.P Tito Restie/Amang Restie

Dalawangput Limang Taon na din ang nakakalipas nang tanungin ko ang aking sarili ng mga sumusunod:
Sino ang Paborito kong Tito?
Okay lang ba na may Pabrito akong Tito?

Matagal tagal din at binata na ako ng muli kong maitanong sa aking sarili ito at nasagot. Si Tito Restie at OO pwedeng pwede

Mabuting Tito
Kaninang Umaga laking gulat ko nang makatangap ako ng SMS sa aking Ina; “Patay na Tito Restie mo atake sa puso….” Bigla akong napaupo at tila namatay sa sobrang panghihina. Todo-todong panlalamig sa aking katawan ang aking naramdaman, nagmistulang sanggol na tila walang salitang lumalabas sa aking labi,namamanhid ang aking mga kamay, nanginginig at mga luha at tila bagang ikinukubli ko ito at pinipigilan ang pagpatak. Bigla akong nawala sa wisyo..wala na si Tito Restie…

Bigla mo pala talaga maalala ang mga araw kasama sya… nagbalik tanaw sa akin ang mga eksena ng aking kabataan. Kay Tito Resti ako natuto at nasilayan ang payak na buhay at ang buhay MANGINGISDA. Magsagwan at mamangka ng walang katig, Ang mangisda at manghuli ng hipon sa ilog, ang manghuli o manukot ng alimango gamit ang kapirasong bakal na panukot at itak,ang magtuba sa sasahan, ang mang-uwit ng mga tilapya at bangus sa palaisdaan, ang magdala sa draga, ang mapuyat at magbanat ng buto para lang maitaguyod nya ang kanyang pamilya at masustentuhan ang aming bakasyon tuwing panahon ng tag-init o summer-break. Ganun sya kasipag…ganun nya ako tinuturuan ng mga bagay bagay at pagdiskarte sa buhay.Ang paano mabuhay na merong kakapirangot na mga kagamitan na sasapat na dapat upang mabuhay, kadalasan nabibilang lamang na pwedeng pagkuhanan ng ikalalaman ng tyan at pagtustos sa pag-aaral.  Hindi ko din maikakaila ang mga panahon na kailangan naming manghuli ng mga palaka at dagang bukid para lang may ulamin kami pagsapit ng pagdulog sa aming hapag-kainan. Siya din ang nagturo sa aking magmaneho noon gamit ang kanyang L3 na bigay ng aming lolo. Ganun sya naging abala sa akin…sa amin sa pagtuturo noong ako’y bata pa.Nandyan din na lagi nya akong pinagtatangol sa aking mga tiyuhin at ama o mga nakakatanda sa panahong may mga huntahan sa aming mga pamilya. Walang bahid at patuloy syang sumusuporta para sa aming paglago.

Naniniwala ako na dala-dala ko ang mga ilan dito upang magturo din sa mga sumusunod na kabataan sa akin. Isang Mabuting Tihuyin ang Tito Restie na tila aking pangalawang ama at ramdam ko iyon noong panahong sya ay buhay pa. Sya’y Isang HUWARAN.

Kamakailan lang, isang taon pa lang ang nakakalipas nang namatay din ang nag-iisang anak nina Tito Restie at Tita Meng na si Ato. Tandang tanda ko pa ang mga pagpapagal at pagpapakahirap ni Tito Restie nun… walang tulugan at laging puyat wag lang bitawan ang mga pangako sa anak na magiging mabuti syang Ama at kasama nya ito kahit sa huling hantungan. Kahit Magparoot Parito ay hindi mo kakikitaan ng pagsuko. Kahit nababanaag mo na ang pagbagsak ng mga mata sa pagpupuyat at pag-iisip walang ininda at inaksayang panahon makita lamang ang kanyang anak at mabigyan ng tamang katahimikan at maayos na burol. Kahit noong bata pa si Ato nakikita ko ang hindi pagsuko ni Tito Restie na pagsabihan at pangaralan si Ato sa kanyang mga kamalian, pagtahak sa tama ng landas. Patuloy ang kanyang pagbabanat din ng buto maitaguyod lang ang anak nyakasama na ng pagtataguyod ng kanyang mga Apo.  Isang Mabuting Ama ang aking si Tito Restie.

Labis akong nagluluksa sa pagkawala ni Tito Restie, nabawasan kami ng isang Mabuti at huwarang kasapi ng Pamilya. Hinding hindi ko makakalimutan ang mga aral na ibinigay at ipinama nya sa akin. Mananatiling Buhay ito… Pangako Tito ko!

Be An Advocate

Coffee Day!

Iyan

iyan iyan..tama iyan
para hindi mainip
at magmukhang timang
idiskarte mo iyan

maging abala
wag mag alala
ang umaga ay gaganda
ingiti mo lang iyan

marahil ganun nga
ang listahan ng di alam
unti unti lang ang alagwa
matutuklasan din iyan

wag maiinip
balikat wag ikibit
larga lang iha
iyan ay masusulit

dahandahan ang pagkasa
kumain nalang muna
Pasasan ba?
bubunga din ng masaya

Iyan.

Nakakabahala

Buod: Ang tulang ito ang isang ekspresyon. Isang pagpapahayag ng damdamin patungkol sa mainit na balita at balitaktakan patungkol sa “Kulo” ni Mideo Cruz.

Bawal ang tumawa
Hindi ka pwedeng maasar
Ang humanga ay di pwede
Bawal ang magsalita

Wala ng kalayaan
Di pwede ang umangal
Puro pampulitika lamang
Ang magsulong ay kasamaan

Hindi na tatagos
Hindi na tatalab
Sa inyong mga pandama
Ang sining na likha

Hinarang ng kusa
Naging balakid at hadlang
Ang mga kaparian
At gobyernong walang alam

Pinapaslang ng karamihan
Ang kalayaang magpahayag
Malinaw na ang pagsilang
Ng hilaw na pamayanan

Sining ay sirain,
Sige na lapastanganin
Sunugin nyo na din
Sa kasaysayan ay itanim

Foodtrip

Dalawang tuhog ng inihaw na Tenga ng baboy
Sawsawang suka
Isang order na lasagna
At isang order ng bake baby potato